NMS Market Research Slovakia-ს მიერ ჩატარებული საზოგადოებრივი აზრის კვლევის მიხედვით, ხვალ რომ საპარლამენტო არჩევნები ტარდებოდეს, ამჟამინდელი სამთავრობო კოალიცია, რომელსაც პრემიერმინისტრი რობერტ ფიცო ხელმძღვანელობს — საპარლამენტო უმრავლესობას დაკარგავდა.

რობერტ ფიცოს პარტიაSmer-SD-ის რეიტინგი ახლა 18.4%-ია, ხოლო ოპოზიციური პროგრესული სლოვაკია პირველ ადგილს — 23.9%-ით იკავებს — ამას აღნიშნული კვლევა მოწმობს.

კოალიციის მეორე პოლიტიკური ძალა, მოქმედი პრეზიდენტის პეტრ პელეგრინის პარტიის ხმა მესამე ადგილზეა — 11.5%. რაც შეეხება, კოალიციის უმცროსი პარტნიორს, ულტრამემარჯვენე სლოვაკეთის ნაციონალური პარტიას საარჩევნო ბარიერს ვერ ლახავს — 2.1%.

ამასთან, აღნიშნულ გამოკითხვაში ულტრამემარჯვენე პარტია რესპუბლიკას აქვს თითქმის 9%-იანი მხარდაჭერა, თუმცა მასთან ერთად, ფიცოს და პელეგრინის პარტიებს აქვთ უმრავლესობა — 150-დან 71 მანდატი.

მაგრამ ოპოზიციური პარტიები, რომელშიც ყველაზე დიდი პარტია პროგრესული სლოვაკეთია 79 მანდატით, უმრავლესობის შექმნას მხოლოდ იგორ მატოვიჩის პოპულისტურ მოძრაობასთან ალიანსით შეძლებენ.

სლოვაკეთში კოალიციური კრიზისი სლოვაკეთის ნაციონალური პარტიის სამი დეპუტატის ფრაქციიდან შიდა უთანხმოების გამო გასვლამ გამოიწვია. შედეგად, ფიცოს მთავრობა პარლამენტში მყიფე უმრავლესობით ფუნქციონირებს (150 დეპუტატიდან 76 ხმა) და კანონების მიღება უჭირს. ნოემბერში ფიცომ აღიარა, რომ ვადამდელი არჩევნები შეიძლება გარდაუვალი გახდეს.

ცნობისთვის, სამი დეპუტატის ნაციონალური პარტიის ფრაქციიდან შიდა უთანხმოების გამო გამოსვლამ, პარტიის კრიზისი გამოიწვია. შედეგად, ფიცოს მთავრობა პარლამენტში მყიფე უმრავლესობით ფუნქციონირებს (150 დეპუტატიდან 76 ხმა) და კანონების მიღება უჭირს. ნოემბერში ფიცომ აღიარა, რომ ვადამდელი არჩევნები შეიძლება გარდაუვალი გახდეს.

მოგვიანებით, კოალიციის წევრი პარტია ხმა ოთხმა დეპუტატმა დატოვა ფიცოს მთავრობის რუსეთთან კავშირების გამო. 2024 წლის 22 დეკემბერს ფიცო მოსკოვს ეწვია, სადაც ვლადიმერ პუტინს შეხვდა.

როგორც ოპოზიციური პარტიის ლიდერი, მიხალ შიჩენკა ამბობს, ფიცოს ვიზიტი მოსკოვში იყო მანევრი კოალიციაში არსებული პრობლემების დასაფარად.