ფილმის The Devil Wears Prada გამოსვლიდან 10 წელზე მეტი გავიდა, მაგრამ კინომოყვარულებს ალბათ ფილმის ყველა დეტალი ზეპირად ახსოვთ.

მაგალითად ის, რომ ენდის შეყვარებული ნათანი მას სულ საყვედურობდა და ერთხელ ისიც კი იფიქრა, რომ ენდისთვის თავისი კარიერა მის დაბადების დღეზე მნიშვნელოვანი იყო.

თუმცა ფილმის იმ სცენიდან, რომელიც ცოტა ხნის წინ გავრცელდა, ვიგებთ, რომ ყველაზე ეგოისტი პარტნიორი ნათანი კი არა, მირანდას ქმარია.

ამოჭრილ სცენაში ჩანს, რომ წვეულებაზე, რომელიც ნათანის დაბადების დღეს ემთხვევა, მირანდას ქმარი შემოდის და სიმთვრალეში ელაიას კლარკის დამფუძნებელი ირვ რავიცისგან შამპანურის მირთმევას ითხოვს.

მოხერხებული ენდი დროულად განმუხტავს სიტუაციას, მას ირვი გვერდით გაჰყავს და სხვა თემაზე უწყებს საუბარს, რის შემდეგაც მირანდა მას სხვებისთვის შეუმჩნევლად მადლობას უხდის.

მირანდას ეს ქცევა მეტისმეტად უჩვეულოა, მას შეეძლო უბრალოდ თავი დაეკრა ენდისთვის, როგორც ამას ხშირ შემთხვევაში გააკეთებდა.

ასევე უჩვეულოა ემილის მიერ გამოხატული მზრუნველობა, როდესაც ის ენდის ეუბნება, რომ შეუძლია სახლში ადრე წავიდეს, რადგან სიტუაციის მარტო გაკონტროლებას შეძლებს.

ვიდეო იუთუბზე ჯერ კიდევ 2015 წელს ატვირთულა, თუმცა არ ვიცით, აქამდე რატომ ვერ შენიშნა ის მსოფლიომ.