თბილისში, მთაწმინდის მიმდებარე ტერიტორიაზე ხანძარია. როგორც საგანგებო სიტუაციების მართვის სამსახურში On.ge-ს უთხრეს, ცეცხლი ბალახს, ბუჩქებსა და ხეებს უკიდია.

უწყების ცნობით, ადგილზე მობილიზებულია ათეულობით სამაშველო ტექნიკა, მეხანძრეები ორი მხრიდან ცდილობენ ცეცხლის ჩაქრობას. ხანძრის ადგილზე ელოდებიან სამაშველო ვერტმფრენსაც.

ფოტო: გიორგი ქიშმარეია

ხანძარი მთაწმინდის ფერდობზე 8 აგვისტოსაც იყო. საგანგებო სიტუაციების სამსახურის ინფორმაციით, დღევანდელი ხანძარი იმ დროინდელი ხანძრის ლოკაციის მარჯვენა მხარეს გაჩნდა.

აგვისტოს 20-ზე მეტი ხანძარი ტყეებში, მთებსა და დაბლობებზე - ქრონოლოგია 25 აგვისტოს ჩათვლით.