საქართველოს პრემიერ-მინისტრმა, გიორგი კვირიკაშვილმა მთავრობის სხდომაზე თქვა, რომ საჭიროების შემთხვევაში, აბასთუმნის ტყეში ხანძრის ლოკალიზების პროცესში ირანიც ჩაერთვება:

"ირანთან მიდის მოლაპარაკება. თუ არ ვცდები უკვე ნებართვა არის, და საჭიროების შემთხვევაში ისინიც დაემატებიან. რა თქმა უნდა, სტიქიაა და ძნელია მოვლენების განვითარებას პროგნოზირება ზუსტად გაუკეთო. თუ კლიმატური პირობები ხელს შეგვიწყობს ძალიან მალე მოვახდენთ ცეცხლის ლოკალიზებას".

აბასთუმნის ტყეში მესამე დღეა ხანძრის ლოკალიზება ვერ ხერხდება. შსს-ს ცნობით, ადგილზე მუშაობს ათასზე მეტი ცოცხალი ძალა. ხანძრის ქრობის პროცესში ჩართულია შსს-ს სასაზღვრო პოლიციისა და კომპანია თუშეთის ვერტმფრენები. ასევე, გუშინ ჩაერთო უკრაინული თვითმფრინავი და აზერბაიჯანისა და თურქეთის ორ-ორი ვერტმფრენი.