კულტურული მემკვიდრეობის სააგენტომ ფიტარეთის მონასტრის მიმდებარე ტერიტორიაზე მიმდინარე სამუშაოების შედეგად გამოვლენილი დარღვევების გამო მონასტერს წერილობითი გაფრთხილება მისცა.

სააგენტოს ცნობით, მონასტრის არქიტექტურულ ნაგებობებზე ახალი, მნიშვნელოვანი დაზიანებები არ აღმოჩნდა, თუმცა უნებართვო სამუშაოების განმეორების შეთხვევაში სააგენტო მკაცრი რეაგირებით იმუქრება.

არქიტექტორ-რესტავრატორებისა და არქეოლოგების ჯგუფმა 29 აგვისტოს ადგილზე შესწავლა მონასტრის გალავნის დასავლეთით და სამხრეთ-აღმოსავლეთით არსებული ტერიტორია. კულტურული მემკვიდრეობის სააგენტოს ცნობით, დაზიანების მსუბუქი სიმძიმის მიუხედავად, სპეციალისტები სამომავლოდ სავალდებულოდ მიიჩნევენ მონასტრის მეცნიერულ შესწავლას.

"არქეოლოგის ზედამხედველობის გარეშე, მძიმე ტექნიკის მეშვეობით უნებართვოდ მოსწორებული მიწის ზედა ფენის მოხსნის შედეგად, სპეციალისტებმა გამოავლინეს ნატეხი ქვით ნაგები სამეურნეო ორმოს (ე.წ. ხაროს) დაზიანებული ზედა ნაწილი, რომლის გადახურვის ქვებიც ადგილზევე დაფიქსირდა."