საზოგადოებრივი მაუწყებლის შენობასთან პროტესტი გრძელდება — აქციის მონაწილეები დღის ეთერის გახსნას და ვასილ მაღლაფერიძისა და არხის დირექტორის თინათინ ბერძენიშვილის გადადგომას ითხოვენ.

23 დეკემბერს, საზოგადოებრივი მაუწყებლის თანამშრომლების ნაწილმა (79 თანამშრომელი) ტელევიზიის შენობასთან ბრიფინგზე, განცხადება წაიკითხეს და არხის მენეჯმენტს მოუწოდეს, "ამ კრიტიკულ დროს უპასუხოს საზოგადოების მოთხოვნას და გახსნას დღის სატელევიზიო ეთერი".

საზმაუმ დღის ეთერის გახსნასთან დაკავშირებით დღეს განცხადებაც გაავრცელა:

"საზოგადოებრივი მაუწყებლის მიმართ წამოყენებულია ახალი მოთხოვნა „დღის ეთერის გახსნის“ შესახებ. აღსანიშნავია, რომ არხის მენეჯმენტს ჰქონდა არაერთი შეხვედრა საინიციატივო ჯგუფის წარმომადგენლებთან. ყველა ამ შეხვედრაზე დაფიქსირებულია არხის პოზიცია, რომ საინფორმაციო სამსახური ყოველდღიურად განაგრძობს სპეციალურ რეჟიმში მუშაობას, როგორც დღის, ასევე საღამოს ეთერში, ხოლო საინიციატივო ჯგუფს აქვს შესაძლებლობა, მათ მიერ შერჩეულმა საზოგადოების წარმომადგენლებმა პირველი არხის ეთერში ისაუბრონ მათთვის აქტუალურ და მნიშვნელოვან საკითხებზე.

საზოგადოებრივი მაუწყებელი არის დამოუკიდებელი მედიაორგანიზაცია და დაუშვებელია, მასზე დემოკრატიის სახელით ხორციელდებოდეს მსგავსი ტიპის ზეწოლა, რამდენადაც მას აქვს პროფესიული ვალდებულება, დამოუკიდებლად დაგეგმოს ფორმატები და სამაუწყებლო ბადე." — ნათქვამია არხის განცხადებაში

ამავე თემაზე: