აშშ-მა შინაგან საქმეთა სამინისტროს მინისტრს, ვახტანგ გომელაურსა და სპეცრაზმის უფროსის (ზვიად ხარაზიშვილის "ხარებას") მოადგილე მირზა კეზევაძე "მაგნიცკის აქტით" დაასანქცირა.

კერძოდ, გომელაური და კეზევაძე აშშ-ის სახაზინო დეპარტამენტის "სპეციალურად განსაზღვრულ პირთა სია"-ში (SDN List) მოხვდნენ — ამის შესახებ აშშ-ის სახაზინო დეპარტამენტის მიერ გავრცელებულ ინფორმაციაში ვკითხულობთ.

"ამ სანქციებით მათი ქონება და აქტივები, რომლებიც აშშ-ში ან აშშ-ის მოქალაქეთა კონტროლშია, გაიყინება და უნდა აღირიცხოს OFAC-ის მიერ - არდა ამისა, სანქციები ვრცელდება ყველა იმ ორგანიზაციაზე, რომლებიც მინიმუმ 50%-ით ან მეტი პროცენტი ეკუთვნის დასანქცირებულ პირებს. ამასთან, აშშ-ის მოქალაქეებისთვის აკრძალულია რაიმე ტრანზაქციის განხორციელება აღნიშნული პირების ქონებასთან ან აქტივებთან დაკავშირებით", — წერია გავრცელებულ განცხადებაში.

განცხადებაში აღნიშნულია, რომ ეს ნაბიჯი კოორდინირებული იყო დიდ ბრიტანეთთან, რომელმაც დღეს ვახტანგ გომელაურისა და კიდევ ოთხი ძალოვნის წინააღმდეგ სანქციები შემოიღო.