16 დეკემბერს ლიტერატურის მარში გაიმართება.

საპროტესტო აქციას მწერლები, რედაქტორები, გამომცემლები, წიგნის დიზაინერები, ბუკინისტები, კულტურის ჟურნალისტები, ლიტერატურის განხრით სტუდენტები და სხვა ადამიანები შეუერთდებიან, რომელთაც ლიტერატურასთან აქვთ კავშირი.

"მოვუწოდებთ შემოგვიერთდნენ მწერლებს, რედაქტორებს, გამომცემლებს, წიგნის დიზაინერებს და ილუსტრატორებს, წიგნის გამავრცელებლებს, ბუკინისტებს, ლიტერატურის სტუდენტებს, კულტურის ჟურნალისტებს, პროექტის მენეჯერებს, მთარგმნელებს, ფილოლოგებს, ლიტერატურის პროფესორ-მასწავლებლებს და, რა თქმა უნდა, მკითხველებს!

ვიკრიბებით 16 დეკემბერს, 5 საათზე, ილია ჭავჭავაძის ლიტერატურულ-მემორიალური მუზეუმის წინ. ივანე ჯავახიშვილის ქ. 7", — ვკითხულობთ ღონისძიების აღწერაში.