"რონდელის ფონდის" მკვლევარს, ვატო ბჟალავას მოსამართლე ლელა ცაგარეიშვილმა 4-დღიანი პატიმრობა შეუფარდა.

ის 12 დეკემბერს, საკუთარ სახლთან მაშინ დააკავეს, როცა ძაღლს ასეირნებდა. ვატო ბჟალავა პოლიციელის მოთხოვნისადმი დაუმორჩილებლობის ბრალდებით, ადმინისტრაციული კოდექსის 173-ე მუხლით დააკავეს.

როგორც ვატო ბჟალავამ დღეს პროცესზე თქვა, რომ პოლიციელებმა არჩადენილი დანაშაულის აღიარება მოსთხოვეს და ამის გამო ორჯერ გაარტყეს სილა, და დაარტყეს ფეხი.

ადვოკატმა პროცესზე ვიდეომტკიცებულება წარადგინა, სადაც, მისი თქმით, დასტურდება, რომ ვატო ბჟალავას დაკავების დროს წინააღმდეგობა არ გაუწევია, დამკავებელ პირებს პირადობაც წარუდგინა და მშვიდად მიჰყვება სამართალდამცველებს. ადვოკატის განმარტებით, ვატო ბჟალავაზე ფიზიკურადაც იძალადეს მას შემდეგ, რაც ის დროებითი მოთავსების იზოლატორში გადაიყვანეს.

საპირისპირო მოსაზრება აქვს შსს-ს, რომლის წარმომადგენელმა პროცესზე თქვა, რომ ვატო ბჟალავა აბაშიძის ქუჩაზე შემოწმების მიზნით გააჩერეს, თუმცა მან სამართალდამცველებს წინააღმდეგობა გაუწია.