ჩვენ ყველას იმედი გვაქვს, რომ ვიქტორ ორბანი მოსკოვში ასადს არ დაურეკავს — ასე გამოეხმაურა უკრაინის პრეზიდენტი, ვოლოდიმირ ზელენსკი უნგრეთის პრემიერ-მინისტრს, ვიქტორ ორბანსა და რუსეთის პრეზიდენტს, ვლადიმერ პუტინს შორის გამართულ სატელეფონო საუბარს.

ზელენსკის თქმით, სრულიად ნათელია, რომ რეალური მშვიდობისა და გარანტირებული უსაფრთხოების მისაღწევად საჭიროა აშშ-ის მონდომება, ევროპული ერთიანობა და ყველა პარტნიორის განწყობა გაერო-ს წესდების მიზნებისა და პრინციპების შესასრულებლად.

"არ არის საჭირო ერთიანობის ხარჯზე საკუთარ იმიჯზე თამაში — საერთო წარმატებაზე უნდა იზრუნო. ევროპაში ერთიანობას ყოველთვის მოაქვს წარმატება. რუსეთის მიერ უკრაინის წინააღმდეგ ომზე საუბარი უკრაინის გარეშე არ შეიძლება. მადლობელი ვარ პრეზიდენტ ტრამპისა და ევროპის მრავალი ლიდერის, რომლებთანაც ჩვენ უკვე ერთად ვმუშაობთ რეალური მშვიდობისთვის სწორი და ძლიერი გადაწყვეტილებების მოსაძებნად", — ვოლოდიმირ ზელენსკი.