თბილისის მერის დავით ნარმანიას თქმით, საკრებულოს დაკავებული დეპუტატი ზურაბ ნეფარიძე მაღალი პოლიტიკური აქტივობით არ გამოირჩეოდა. მან პასუხი გასცა ჟურნალისტის შეკითხვას, უკავშირდებოდა თუ არა დეპუტატის დაკავება მის პოლიტიკურ საქმიანობას:

"არ მგონია რამე მსგავსთან გვქონდეს საქმე. მიმდინარეობს გამოძიება და გამოძიება გვეტყვის იმ შედეგებს, რომელიც გამოძიებით იქნება დადგენილი... იყო საკრებულოს ჩვეულებრივი დეპუტატი, რომელიც საკრებულოს საქმიანობაში მონაწილეობდა".

26 აგვისტოს, თბილისის საკრებულოს დეპუტატი ზურაბ ნეფარიძე, ქრთამის აღების ბრალდებით, დააკავეს. გუშინ საქალაქო სასამართლომ აღკვეთი ღონისძიების სახით პატიმრობა შეუფარდა, რის გასაჩივრებასაც ბრალდებული აპირებს.

ზურაბ ნეფარიძე ფრაქცია ეროვნული ფორუმის წევრია და ის საკრებულოში ქართული ოცნების სიით მოხვდა.