ჩვენ გვინდა არა ქაღალდზე დაწერილი სტრატეგიული პარტნიორობა აშშ-სთან, არამედ რეალური სტრატეგიული პარტნიორობა, — ამის შესახებ ოცნების პრემიერმინისტრმა, ირაკლი კობახიძემ მთავრობის სხდომაზე განაცხადა.

მისი თქმით, ოცნებას უნდა, რომ სტრატეგიულმა პარტნიორობამ კონკრეტული შედეგები მოიტანოს.

"ვენ გვინდა თვისობრივად გადავტვირთოთ ურთიერთობები 20 იანვრიდან. ჩვენ გვქონდა აქამდე ქაღალდზე დაწერილი სტრატეგიული პარტნიორობა აშშ-სთან, რომელსაც არ ჰქონდა არანაირი შინაარსი. ჩვენ გვინდა დავიწყოთ საუბარი რეალურ სტრატეგიულ პარტნიორობაზე.
ჩვენი წარმოდგენით აშშ-სთან ჩვენს სტრატეგიულ პარტნიორობას უნდა ჰქონდეს დაახლოებით ისეთივე გზამკვლევი, როგორიც არის ასოცირების გზამკვლევი. ჩვენ ზუსტად უნდა ვიცოდეთ რა უნდა მოუტანოს სტრატეგიულმა პარტნიორობამ როგორც აშშ-ს, ისე საქართველოს და როგორი უნდა იყოს ამ სტრატეგიული პარტნიორობის ხელშესახები შედეგები.

ჩვენ გვინდა არა ქაღალდზე დაწერილი სტრატეგიული პარტნიორობა აშშ-სთან, არამედ რეალური სტრატეგიული პარტნიორობა", — განაცხადა კობახიძემ.