ოკლენდის ტექნოლოგიური უნივერსიტეტმა რამდენიმე დღის წინ უნიკალური კადრები გამოაქვეყნა.

დრონით გადაღებულ ვიდეოში ბრაიდის ზოლებიანი ვეშაპი ჩანს, რომელიც ზღვის სხვა ბინადრებით იკვებება. აქამდე ვეშაპებზე დაკვირვება გემბანიდან ხდებოდა, რის გამოც ისინი ფრთხებოდნენ და მათი კვების ან სხვა ქცევების ვიდეოზე სრულად აღბეჭდვა შეუძლებელი იყო.

კადრებში 12 მეტრიანი ვეშაპი ჩანს, რომელსაც ერთ მომენტში ახალშობილი ვეშაპიც უერთდება და ისინი ერთად ცურავენ.

ოკლენდის უნივერსიტეტის მონაცემების მიხედვით, ზოლებიანი ვეშაპების სახეობა გაქრობის პირასაა. ახალი ზელანდიის მახლობლად, ამჟამად, ამ სახეობის მხოლოდ 200 წარმომადგენელი ბინადრობს.