"თბილისის ქუჩებში ერთ მხარეს იყვნენ ევროპულად მოქმედი გმირი პოლიციელები და მეორე მხარეს არაევროპულად მოქმედი ნაცი მოძალადეები”, — ამის შესახებ ოცნების ხელისუფლების პრემიერმა კობახიძემ ბრიფინგზე განაცხადა. მისი თქმით, თითოეულ გმირ პოლიციელს შეუძლია იამაყოს იმით, რაც საკუთარი სახელმწიფოს სიმტკიცისთვის გააკეთა.

"ხედავდით, რა ხდებოდა ზოგადად ამ დღეების განმავლობაში თბილისის ქუჩებში — ერთ მხარეს იყვნენ ევროპულად მოქმედი გმირი პოლიციელები და მეორე მხარეს იყვნენ სრულიად არაევროპულად მოქმედი ნაცი მოძალადეები. ეს არის საერთო სურათი. თითოეულ გმირ პოლიციელს შეუძლია იამაყოს იმისათვის, რაც გააკეთეს მათ საკუთარი სახელმწიფოსთვის, საკუთარი სახელმწიფოს სიმტკიცისთვის. თითოეულ ნაცს გაეცემა საკადრისი პასუხი.

საქართველოში რადიკალიზმი დამთავრდება, ლიბერალური ფაშიზმი დამთავრდება, ეს იქნება პასუხი იმ სიტყვიერ ძალადობაზე, რასაც ეს ადამიანები მიმართავენ. ბუნებრივია, სახელმწიფო იქნება ძალიან მკაცრი ლიბერალურ-ფაშიზმზე რეაგირების თვალსაზრისით", — განაცხადა პრემიერმა.