"რევოლუციონერების სისულელეებზე დრო არ მაქვს, გერმანიაში ვარ სერიოზულ პარტნიორებთან", — ასე უპასუხა დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC) დირექტორის მოადგილემ პაატა იმნაძემ bm.ge-ს Linkdin-ზე NCDC-ის პოსტზე კომენტირებისას.

"რევოლუციონერების სისულელეებზე დრო არ მაქვს, გერმანიაში ვარ სერიოზულ პარტნიორებთან", — განაცხადა პაატა იმნაძემ.

შეგახსენებთ, რომ სოციალურ ქსელ Linkdin-ზე NCDC-იმ დღეს პოსტი გაავრცელა, სადაც წერია, რომ დაავადებათა კონტროლის ეროვნული ცენტრი "სავსეა კორუმპირებული გაჩუმებული ხალხით, ქოცებით და ოდეერებით".

"დაავადებათა კონტროლის ეროვნული ცენტრი გაცნობებთ, რომ სავსეები ვართ კორუმპირებული გაჩუმებული ხალხით, ქოცებით, ოდეერებით, და ბიძინასგან ნაჩუქარი ქონების გამო გვიზის მენეჯმენტიც გაჩუმებული", — წერს დაავადებათა კონტროლისა და საზოგადოებრივი ჯანმრთელობის ეროვნული ცენტრი სოციალურ ქსელზე, LinkedIn-ზე.

Bm.ge-ის ინფორმაციით, ჯანდაცვის სამინისტროში დაზუსტებით მხოლოდ იმის თქმა შეუძლიათ, რომ ეს NCDC-ის ოფიციალური განცხადება არაა. დამატებით დეტალებს კი არკვევენ.