ფეისბუკჯგუფ "დაიტოვეს" დამფუძნებლის, ნენსი ვოლანდის სახლში ჩხრეკა დასრულდა. სამართალდამცავები საგამოძიებო მოქმედებას დაახლოებით ორი საათის განმავლობაში ატარებდნენ.

ჩხრეკის დასრულების შემდეგ ნენსი ვოლანდმა თქვა, რომ მისთვის არ განუმარტავთ, რის საფუძველზე, რა საქმის ფარგლებში ჩაატარეს მის ბინაში ჩხრეკა. სამართალდამცავებმა ბინიდან რამდენიმე ნივთი წაიღეს.

"წაიღეს წიწაკის სპრეი, რომელიც თავდაცვის საშუალებაა და ნებისმიერ ქალს უნდა ჰქონდეს და აირწინაღი, რომელსაც ვიყენებ აქციებზე, როდესაც გაზს უშვებენ. წაიღეს ასევე ტელეფონი. ამ ყველაფერს ვუკავშირებ იმას, რომ ადამიანები, რომლებიც იბრძვიან და დადიან აქციებზე, არ უნდათ, რომ არსებობდნენ, უნდათ, რომ გააჩუმონ და ეს საპროტესტო მუხტი ჩაკლან და მიითვისოს ქვეყანა რუსეთმა", — თქვა ნენსი ვოლანდმა.

4 დეკემბერს ჩხრეკა ჩატარდა "დაიტოვეს" ერთ-ერთი ადმინის, ილია ღლონტის ბინაშიც.