თბილისში, მთავრობის კანცელარიასთან, თანასწორობის მოძრაობის საპროტესტო აქცია იმართება. აქციის მონაწილეები გმობენ და აპროტესტებენ მოძრაობის აღმასრულებელი დირექტორის, ლევან ბერიანიძისა და გამგეობის წევრის თორნიკე კუსიანის მიმართ ჰომოფობიურ ნიადაგზე სასტიკ, ღირსებისშემლახავ და არაადამიანურ მოპყრობას.

აქციის მონაწილეები აცხადებენ, რომ საქართელოში პოლიცია არის რეპრესიული მანქანის ნაწილი.

25 აგვისტოს, გამთენიისას, ბათუმის ბულვარში პოლიციამ თანასწორობის მოძრაობის აღმასრულებელი დირექტორი ლევან ბერიანიძე და ორგანიზაციის წევრი თორნიკე კუსიანი დააკავა. დაკავებულები ამბობენ, რომ პოლიციელებმა სიტყვიერი და ფიზიკური შეურაცხყოფა მიაყენეს. დაკავებულების სხეულზე ფიზიკური ძალადობის კვალზე შსს აცხადებდა, რომ "დაუდგენელი პირები და დაკავებულები ერთმანეთს ფიზიკურ და სიტყვიერ შეურაცხყოფას აყენებდნენ", თუმცა ადგილზე მისულ სამართალდამცველებს ბერიანიძე და კუსიანი არ დაემორჩილნენ და პოლიციამ ისინი დააკავა.

აღნიშნულ საქმეზე გამოძიება პროკურატურამ დაიწყო.