განათლების სამინისტრო ინფორმატორებისთვის ცხელ ხაზს ხსნის სასწავლო პროცესის დამრღვევთა შესახებ ინფორმაციის შესაგროვებლად. საბჭოთა კავშირი დაბრუნდა?, — ასე ეხმაურება საქართველოს პრეზიდენტი, სალომე ზურაბიშვილი განათლებისა და მეცნიერების სამინისტროს ინიციატივას.

განათლების სამინისტრომ ცხელი ხაზი, გუშინ, 3 დეკემბერს მას შემდეგ გახსნა, რომ პრეზიდენტმა X-ზე დაწერა, რომ უნივერსიტეტების შემდეგ სკოლების ჯერია, გამოხატონ სოლიდარობა აქციების მიმართ.

პრეზიდენტის მოწოდების პარალელურად მთელი ქვეყნის მასშტაბით, დედაქალაქისა და რეგიონების სკოლებმა გამოხატეს პროტესტი ქართული ოცნების გადაწყვეტილების წინააღმდეგ EU-შ გაწევრიანების მოლაპარაკებების შეჩერების შესახებ და სასწავლო პროცესი შეაჩერეს.

განათლების სამინისტროს გარდა, პრეზიდენტის ინიციატივა გააკრიტიკა საპატრიარქომ და საქართველოს საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ. მან სოციალურ ქსელში ირონიულ კონტექსტში მიმართა პრეზიდენტს:

"ქალბატონო ....., სკოლების შემდეგ იმედია საბავშვო ბაღებს არ მოუწოდებთ საპროტესტო აქციებში მონაწილეობისკენ", — დაწერა ანდრია ჯაღმაიძემ სოციალურ ქსელში.