გავრცელებული ინფორმაციით, რუსთაველის გამზირზე გამართულ აქციაზე დაშავებული 22 წლის ბიჭი ინგოროყვას კლინიკაშია მოთავსებული და ის მართვით სუნთქვაზე იმყოფება.

მედია ინტერპრესნიუსს კლინიკაში განუცხადეს, რომ დაშავებული ჯანმრთელობის მდგომარეობაზე კომენტარი 14:30 საათზე გაკეთდება.

აქციაზე დაზარალებული ბიჭის შესახებ ინფორმაცია მანამდე გაავრცელა ჟურნალისტმა ნანუკა ჟორჟოლიანმა და დაწერა, რომ სპეცრაზმელებმა 22 წლის ბიჭს თვალში, სავარაუდოდ, ე.წ. გაზის კაფსულა მოარტყეს.

"22 წლის ა.თ. რეანიმაციულში გადაიყვანეს! კომაშია! გუშინ, სპეცრაზმელებმა თვალში მოარტყეს გაზის კაფსულა. მთელი ღამე ოპერაციას უკეთებდნენ. ახლა მთელმა საქართველომ მისი გადარჩენისთვის უნდა ვილოცოთ! ახლა ამაზე მნიშვნელოვანი არაფერია!", — წერს ჟორჟოლიანი.