ონლაინ მედია-პლატფორმა მაუწყებელის ინფორმაციით, რუსთაველის მეტროში მომხდარი დარბევის დროს, მათი ჟურნალისტი, გიორგი ჩაგელიშვილი, დააკავეს.

"რუსთაველის მეტროში მოქალაქეების დარბევის დროს დაიჭირეს მაუწყებლის ჟურნალისტი გიორგი ჩაგელიშვილი". — წერს მაუწყებელი.

გამოცემა პუბლიკის ინფორმაციით, მათ მიერ გადაღებულ კადრებში ჩანს, რომ ჩაგელიშვილმა კრიმინალური პოლიციის ძალებს უთხრა, რომ იგი ჟურნალისტია, თუმცა მას ჩანთა მაინც გაუჩხრიკეს და წაიყვანეს.

2 დეკემბრის დილის საათებში კრიმინალური პოლიცია რუსთაველის მეტროში მოქალაქეებს დაედევნა, სადაც მათ აქციის რამდენიმე მონაწილეს სცემეს და დააკავეს.