ევროპის საკითხებში საფრანგეთის მინისტრი, ბენჟამინ ჰადიდი სოციალურ ქსელში წერს, რომ სრული პასუხისმგებლობა ევროკავშირთან მოლაპარაკებების შეწყვეტაზე ეკისრება საქართველოს ხელისუფლებას.

ამასთან, მან განაცხადა, რომ აქციის მონაწილეების წინააღმდეგ უნდა შეწყდეს რეპრესიები.

"ევროპელ პარტნიორებთან ერთად, საფრანგეთი გააგრძელებს მჭიდრო კავშირების შენარჩუნებას საქართველოს მოსახლეობასთან და მხარს უჭერს მათ ევროპულ მისწრაფებებს. ფუნდამენტური თავისუფლებები, პოლიტიკური პლურალიზმი და სამოქალაქო საზოგადოება უნდა იყოს დაცული. აქციის მონაწილეების წინააღმდეგ რეპრესიები უნდა შეწყდეს", — წერს ფრანგი მინისტრი X-ზე.

აღსანიშნავია, რომ მინისტრის განცხადებას სოციალურ ქსელში საქართველოს პრეზიდენტი, სალომე ზურაბიშვილი გამოეხმაურა და თქვა, რომ "საქართველო აფასებს საფრანგეთისა და ევროპელი პარტნიორების მხარდაჭერას. ქართველი ხალხი არ დანებდება!".