აქციაზე ტვ პირველის ჟურნალისტი მარიამ გაფრინდაშვილი დაშავდა.

როგორც თვითმხილველები ამბობენ, მას თავი ჰქონდა გატეხილი, უჭირდა სუნთქვა და აღენიშნებოდა გონების დაკარგვის ეპიზოდი.

მარიამ გაფრინდაშვილი სასწრაფო დახმარების მანქანით ინგოროყვას კლინიკაში გადაიყვანეს. მოგვიანებით ინგოროყვას კლინიკის ექიმმა განაცხადა, რომ დაშავებულ ჟურნალისტს მსუბუქი ტვინის შერყევა და ამის ფონზე თავბრუსხვევა აღენიშნება. ასევე შუბლზე ჰქონდა ჭრილობა, რომელიც გაუკერეს.

"ჰქონდა თავბრუსხვევა, გულისრევის შეგრძნება. იყო ემოციურად ძალიან დატვირთული, თუმცა ამ წუთას არის მშვიდად. ითხოვს ბინაზე გაწერას, თუმცა ჩვენ ვფიქრობთ, რომ უნდა დავტოვოთ მეთვალყურეობისთვის კლინიკაში დაახლოებით 24 საათი. მსუბუქი ტვინის შერყევის კლინიკაა. სხვა არაფერს უჩივის. დამაკმაყოფილებელია ჰემოდინამიკა, სასიცოცხლო პარამეტრები სტაბილური აქვს", – განაცხადა ექიმმა.