გახარია საქართველოსთვის ლიდერი, გიორგი გახარია რუსთაველის გამზირზე მიმდინარე საპროტესტო აქციაზე იმყოფება.

"ის, რაც აქ ხდება, თითოეული ჩვენგანის ტრაგედიაა. არ ვიცი, როდემდე უნდა გაგრძელდეს ასე, როდესაც რუსთაველზე ცემა-ტყეპით და ერთმანეთზე თავდასხმით უნდა გადავწყვიტოთ ქვეყნის მომავალი", — აცხადებს გახარია.

მან ასევე აღნიშნა, რომ დღევანდელმა ხელისუფლებამ მოგვპარა არჩევნები, შემდგომ ევროპული მომავალი და "ეს ყველაფერი ისე გააკეთა, თითქოს არაფერი მომხდარა".

"საბოლოო ჯამში, ეს ყველაფერი იმიტომ მოხდა, რომ დღევანდელმა ხელისუფლებამ ჯერ არჩევნები მოგვპარა, შემდგომ ევროპული მომავალი. ეს ყველაფერი გააკეთა ისე, თითქოს არაფერი მომხდარა, თან გაუგებარი ახსნებით. ჩვენი ვალია ერთიანობა, აქ უნდა ვიდგეთ ყველა, რომ მშვიდობიანად დავიცვათ საქართველოს ევროპული მომავალი", — აღნიშნა გახარიამ.