აზერბაიჯანელი ჟურნალისტი, აფგან სადიგოვი აზერბაიჯანის რესპუბლიკაში ექსტრადირებული იქნება. აღნიშნული გადაწყვეტილება თბილისის საქალაქო სასამართლოს მოსამართლემ არსენ კალატოზიშვილმა მიიღო.

სხდომას დაკავებული აზერბაიჯანელი ჟურნალისტიც ესწრება. მიმდინარე წლის 21 სექტემბერს სადიგოვმა პროტესტის ნიშად შიმშილობა. ის პენიტენციური დაწესებულებიდან ეტლით მიიყვანეს.

სადიგოვის ფოტოს სასამართლო პროცესიდან პუბლიკა ავრცელებს, რომელზეც კარგად ჩანს შიმშილობის კვალი.

აფგაბ სადიგოვი შიმშილობამდე და დღევანდელ პროცესზე

აფგაბ სადიგოვი შიმშილობამდე და დღევანდელ პროცესზე

ფოტო: დღევანდელი პროცესიდან ფოტოს "პუბლიკა" ავრცელებს.

აზერბაიჯანელი ჟურნალისტი და აქტივისტი აფგან სადიგოვი 3 აგვისტოს დააკავეს და 21 სექტემბრიდან შიმშილობს. 1-ელ ნოემბერს სადიგოვის საექსტრადიციო პატიმრობა 3 თვით, 3 თებერვლამდე გაგრძელდა. გადაწყვეტილება თბილისის საქალაქო სასამართლოს მოსამართლემ, არსენ კალატოზიშვილმა მიიღო. როგორც პროკურორმა განაცხადა, ის კვლავ იძებნება აზერბაიჯანის რესპუბლიკის სამართალდამცავი ორგანოების მიერ და მას პროფესიული საქმიანობის გამოყენებით ადამიანის საკუთრების წინააღმდეგ ჩადენილ დანაშაულს ედავებიან.