შარლიზ ტერონი ქრისტოფერ ნოლანის ახალ ფილმში ვარსკვლავებით სავსე ანსამბს უერთდება და ფილმში ტომ ჰოლანთან, მეთ დეიმონთან, ზენდეიასთან, რობერტ პატისონთან და ენ ჰეთუეისთან ერთად ითამაშებს.

ფილმის გადაღებები 2025 წლის პირველ თვეებში დაიწყება, დაუდასტურებელი ინფორმაციით კი, დიდ ეკრანზე 2026 წლის 17 ივლისს გამოვა.

ფილმის სიუჟეტის შესახებ დეტალები კვლავ საიდუმლოდ რჩება და როგორც ამბობენ, აქამდე გამოქვეყნებული ლოგლაინები და აღწერები ფილმის შესახებ სიმართლეს არ შეესაბამება.

აღსანიშნავია, რომ ეს ნოლანის მე-13 ფილმი იქნება. მილიარდდოლარიანი ოპენჰაიმერის თავბრუდამხვევი წარმატების შემდეგ ნოლანი კვლავ Universal Picture-თან თანამშრომლობს

მიუხედავად იმისა, რომ ფილმი ნოლანისა და შარლიზ ტერონის თანამშრომლობის პირველი პროექტი იქნება, ტერონს Universal-თან საკმაოდ დიდი ისტორია აკავშირებს. ის თამაშობდა ისეთ ფილმებში, როგორებიცაა: Atomic Blonde, Snow White and the Huntsman, A Million Ways to Die in the West და ა.შ.

იხილეთ ასევე: