კრისტოფერ ნოლანის მომდევნო ფილმზე ახალ-ახალი ინფორმაცია ვრცელდება — ტომ ჰოლანდისა და მეთ დეიმონის მთავარ როლებზე დამტკიცების შემდეგ, სხვადასხვა წყარო იუწყება, რომ ფილმში ზენდეიას და ენ ჰეთევეისაც ვიხილავთ.

ფილმის გადაღებები 2025 წლის პირველ თვეებში დაიწყება, დაუდასტურებელი ინფორმაციით კი, დიდ ეკრანზე 2026 წლის 17 ივლისს გამოვა.

ეს ზენდეიასთვის პირველი პროექტი იქნება, სადაც კრისტოფერ ნოლანთან ითანამშრომლებს, ჰეთევეისთვის კი — მესამე. ის უკვე ვიხილეთ 2012 წლის ფილმში The Dark Knight Rises და 2014 წლის Interstellar-ში.

ფილმის სიუჟეტის შესახებ ჯერ-ჯერობით არაფერია ცნობილი. ვიცით მხოლოდ მოარული ჭორები, რომელთა მიხედვითაც ნოლანის ახალი პროექტი მამა-შვილის ისტორიას მოგვითხრობს და ის, რომ ფილმში ასახული მოვლენები თანამედროვე დროში არ ვითარდება.

ეს ნოლანის მე-13 ფილმი იქნება. მილიარდდოლარიანი ოპენჰაიმერის თავბრუდამხვევი წარმატების შემდეგ ნოლანი კვლავ Universal Picture-თან თანამშრომლობს. როგორც ირკვევა, ახალი ფილმის გამოშვება 2026 წლის 17 ივლისს იგეგმება და სტუდიაში იმედოვნებენ, რომ გადაღებები 2025 წლის პირველივე თვეებიდან დაიწყება.