მსოფლიოს ყველაზე დიდი სუპერმარკეტების ქსელი Walmart და Google პარტნიორობაზე შეთანხმდნენ. BBC-ის ცნობით, Wallmart სექტემბრიდან ინტერნეტში განთავსებული პროდუქციის გასაყიდად Google-ის მიერ შემუშავებულ Google Assistant-ს გამოიყენებს.

ამგვარად, აშშ-ს მოსახლეობა სექტემბრიდან შეძლებს, ხმოვანი შეტყობინების მეშვეობით სახლიდან გაუსვლელად შეიძინოს Wallmart-ის ნებისმიერი პროდუქცია.

Amazon დისტანციური შეკვეთების ბაზარზე ამ წუთისთვის უპირობო ლიდერია. Walmart უახლოეს პერიოდში ინტერნეტ გაყიდვებს ზრდას გეგმავს. წლის განმავლობაში ამერიკელ მომხმარებელს საშუალება ექნება Walmart-ის 4 700 მაღაზიიდან განახორციელოს შეკვეთები.

ეს გახდა პირველი შემთხვევა აშშ-ს ისტორიაში, როდესაც მსხვილმა გადამყიდველმა, როგორიც Walmart-ია, პროდუქცია საკუთარი საიტის მაგივრად სხვა პლატფორმაზე განათავსა.