მხატვრული ფილმი კინოთეატრებში 2025 წლის 13 ივნისს გამოვა. ფილმს DreamWorks Animation-ის ამავე სახელწოდების ანიმაციური ფილმის მიხედვით იღებენ. ანიმაცია 2010 წელს გამოვიდა და მაყურებლის გულები უმალვე დაიპყრო. ფილმში ჰიკაპის როლს მეისონ ტემზი თამაშობს, ხოლო ასტრიდის როლში ნიკო პარკერი გვევლინება. გადაღებებს მწერალი და რეჟისორი დინ დებლუა ხელმძღვანელობს.

"როგორ მოვითვინიეროთ დრაკონი" მოგვითხრობს ახალგაზრდა ვიკინგის ისტორიას, რომელიც დრაკონებზე სანადიროდ მიდის, თუმცა ერთ-ერთ დრაკონს დაუმეგობრდება და მის გაწვრთნას დაიწყებს. სცენარი კრესიდა კაუელის წიგნების სერიის მიხედვითაა შთაგონებული.

"მამა, მე არ შემიძლია დრაკონების მოკვლა" — ამბობს ჰიკაპი ახალ ტრეილერში.

ცნობისთვის, ანიმაციურმა ფილმმა ოსკარის ოთხი ნომინაცია მოიპოვა და მისმა მოგებამ 1,6 მილიარდ დოლარს გადააჭარბა. 2010 წლის ანიმაციურ ფილმს ჯამში სამი ნაწილი აქვს, მათგან უკანასკნელი 2019 წელს გამოვიდა სახელწოდებით, როგორ გავწვრთნათ დრაკონი: დამალული სამყარო. ამას გარდა, ისტორიის მიხედვით ხუთი მოკლემეტრაჟიანი ფილმი და სამი სატელევიზიო სერიალი შეიქმნა.