შეერთებული შტატების სახელმწიფო მდივნის, ენტონი ბლინკენის განცხადებით, აშშ-მა ვენესუელას არჩეულ პრეზიდენტად ოპოზიციის ერთ-ერთი ლიდერი, ედმუნდო გონსალესი აღიარა.

"ვენესუელელმა ხალხმა ხმამაღლა გამოხატა თავისი პოზიცია, 28 ივლისს და ედმუნდო გონსალესი პრეზიდენტად აირჩია. დემოკრატია ითხოვს ამომრჩეველთა ნების პატივისცემას", — დაწერა ბლინკენმა.

გონსალესის თქმით, შეერთებული შტატებისგან ეს ჟესტი ვენესუელას ხალხის არჩევანის პატივისცემას გამოხატავს და მათ მადლობა გადაუხადა.

შეგახსენებთ, 28 ივლისს ვენესუელაში გამართულ საპრეზიდენტო არჩევნებში ქვეყნის საარჩევნო კომისიამ ნიკოლას მადურო გამოაცხადა გამარჯვებულად, ხოლო ამას ქვეყანაში პროტესტი მოჰყვა.

ამასთან, ოპოზიციამ არჩევნების შემდეგ ხმის მიცემის ათასი ქვითარი შეაგროვა და გამოაქვეყნა, რომლის თანახმადაც ხმების უმრავლესობა არა მადურომ, არამედ გონსალესმა მიიღო.