სომხეთის მმართველმა პარტიამ პარლამენტს სომხეთის ეროვნული ჰიმნის ტექსტის შეცვლა შესთავაზა. მიუხედავად იმისა, რომ ჯერ მათი ინიციატივა დამტკიცებული არ არის, ჰიმნის ახალი ვერსია საჯაროდ უკვე რამდენჯერმე შესრულდა.

4 ნოემბერს პარლამენტის თავმჯდომარემ, ალენ სიმონიანმა და ორმა დეპუტატმა მმართველი პარტია "სამოქალაქო ხელშეკრულებიდან" წარმოადგინეს კანონპროექტი, რომ ცვლილებები შეეტანათ სომხეთის ეროვნული ჰიმნის შესახებ კანონში.

კანონპროექტი მიზნად ისახავს ჰიმნის ერთიანი, მოკლე ვერსიის შექმნას, გარდა მისი ზოგიერთი სტროფის გადაწყობისა. ის ასევე ითვალისწინებს იმ მუხლის ამოღებას მოქმედი კანონიდან, რომელიც ითვალისწინებს, რომ მოქმედი ჰიმნი კანონის დანართით განისაზღვრება და ძალაში დარჩება მანამ, სანამ ახალი ჰიმნის ტექსტი და მუსიკა სხვა კანონით არ იქნება განსაზღვრული.

ჰიმნი "ჩვენი სამშობლო" 1991 წლის 1 ივლისს, სომხეთის პირველი რესპუბლიკის (1918-1920) ჰიმნის საფუძველზე იქნა მიღებული. კანონპროექტი ითვალისწინებს ჰიმნის ბოლო სტროფის, წინ გადმოწევას, მმართველი პარტია ამტკიცებს, რომ ამ თანმიმდევრობას აქვს "შესაბამისი ლოგიკური გზავნილი".

რადიო თავისუფლების ცნობით, ახალი სტრუქტურის ეროვნული ჰიმნი გამოყენებული იქნა რამდენიმე ოფიციალურ ცერემონიაზე, მათ შორის სექტემბრის პარლამენტის პირველი სესიის დროს. მათ ასევე განაცხადეს, რომ ჰიმნის ახალი ვერსია ასევე გამოყენებული იყო 8 ნოემბერს, ნიკოლ ფაშინიანის ანტიკორუფციულ კომიტეტში ვიზიტის დროს.

ერევნის სახელმწიფო კამერულმა გუნდმა, რომელმაც ჰიმნის ახალი ვერსია შეასრულეს, რადიო თავისუფლებასთან განაცხადა, რომ ახალი ჰიმნის შესრულების სურვილი პრემიერმინისტრის თანამშრომლებისგან მოდიოდა, მათ ასევე აღნიშნეს, რომ ეს იყო საბოლოო გადაწყვეტილება.

სომხეთში, მმართველ პარტიას ჰიმნის კანონის დარღვევაში ადანაშაულებენ, რომელიც ეროვნული ჰიმნის გამოყენებას არეგულირებს. თუმცა, ცვლილებების პროექტის თანაავტორმა, დეპუტატმა სისაკ გაბრიელიანმა რადიო თავისუფლებასთან განაცხადა, რომ კანონი ცალსახად შეიცავს ჰიმნის ტექსტს და მუსიკას, მაგრამ არ განმარტავს რა თანმიმდევრობით უნდა იმღეროს სტროფები.

სომხეთის ეროვნული ჰიმნის შეცვლა დღის წესრიგში წლების განმავლობაში დგას, 2006 წელს ხელისუფლებამ სახელმწიფო კომისია შექმნა ახალი ჰიმნის შესარჩევად.

მიმდინარე წლის იანვარში, სიმონიანმა დააყენა წინადადება, რომ სომხეთის ეროვნული ჰიმნი და გერბი შეცვლილიყო. მანამდე, 2019 წელს, სიმონიანმა, მაშინდელმა პარლამენტის ვიცე-სპიკერმა, კონკურსი გამოაცხადა ახალი ჰიმნის ტექსტებისთვის და ჩამოაყალიბა სამუშაო ჯგუფი.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.