აშშ-ის არჩეულმა პრეზიდენტმა დონალდ ტრამპმა განაცხადა, რომ ამერიკელი ანტერპრენერები — Tesla-ს და SpaceX-ის მფლობელი, მილიარდერი ილონ მასკი და Roivant Sciences-ის დამფუძნებელი ვივეკ რამასვამი "მთავრობის ეფექტიანობის დეპარტამენტს" უხელმძღვანელებენ, — ინფორმაციას CNN-ი ავრცელებს.

"ეს ორი არაჩვეულებრივი ამერიკელი ერთად გაუხსნის გზას ჩემს ადმინისტრაციაში სამთავრობო ბიუროკრატიის ლიკვიდაციას, შეამცირებენ ჭარბ რეგულაციებს, უსარგებლო ხარჯებს, რაც ხელს შეუწყობს ფედერალური სააგენტოების რესტრუქტურიზაციისკენ", — განაცხადა ტრამპმა.

CNN წერს, რომ რამასვამის და განსაკუთრებით მასკის წარდეგნა, რომელიც დიდ კომპანიებს ხელმძღვანელობს მომგებიანი სამთავრობო კონტრაქტებით, აჩენს კითხვებს ინტერესთა კონფლიქტზე. ჯერ არ არის ნათელი, თუ როგორ იმუშავებს ის დეპარტამენტი — რომელიც ტრამპის თქმით, "რჩევებსა და მითითებებს გაუწევს მთავრობს გარედან" — და ექნება თუ არა რესპუბლიკელების მიერ სრულად კონტროლირებად კონგრესს იმის სურვილი, რომ დაამტკიცოს სამთავრობო ხარჯების ასეთი მასიური გადახედვა და ოპერაციები.

ტრამპმა სექტემბერში განაცხადა, რომ მასკი დათანხმდებოდა მთავრობის ეფექტიანობის დეპარტამენტის ხელმძღვანელობას, თუ ის თეთრ სახლში დაბრუნებას შეძლებდა.

ტრამპის განცხადებაში მოყვანილი იყო მასკის სიტყვები:

"ეს შოკისმომგვრელ ტალღებს გადასცემს სისტემას და ნებისმიერს, ვინც მონაწილეობს სამთავრობო გაფლანგვაში, რაც უამრავი ადამიანია!" — აღნიშნა მასკმა.

რამასვამი ფარმაცევტული კომპანია Roivant Sciences-ის დამფუძნებელია, რომელიც კენჭს იყრიდა რესპუბლიკელების საპრეზიდენტო კანდიდატობისთვის, მაგრამ შემდეგ საარჩევნო რბოლას გამოეთიშა და მხარდაჭერა დონალდ ტრამპს გამოუცხადა.