ოპოზიციის ლიდერები ევროკავშირის ელჩს ხვდებიან. დახურული შეხვედრა ევროკავშირის წარმომადგენლობის ოფისში ერთ საათზე მეტია მიმდინარეობს.

პაველ ჰერჩინსკისთან შეხვედრას ესწრებიან ძლიერი საქართველოს ლიდერი ბადრი ჯაფარიძე, კოალიცია ცვლილებისთვის ხელმძღვანელი ნიკა გვარამია და ერთიანობა ნაციონალური მოძრაობის ლიდერი თინა ბოკუჩავა.

შეხვედრის დაწყებამდე ოპოზიციას მედიასთან კომენტარი არ გაუკეთებია.

სავარაუდოდ, ევროკავშირის ელჩთან საუბრის მთავარი თემა 26 ოქტომბრის არჩევნების შესაძლო გაყალბების მტკიცებულებები იქნება.

გავრცელებული ინფორმაციით, შეხვედრას არ ესწრებიან გიორგი გახარიას გუნდის წევრები.