ესპანეთის მეფე ფელიპე დედოფალთან და ესპანეთის პრემიერ-მინისტრ პედრო სანჩესთან ერთად, ვალენსიაში, წყალდიდობით დაზარალებულ ქალაქ პაიპორტაში ჩავიდა.

მოსახლეობა მეფეს შეურაცხმყოფელი შეძახილებითა და ტალახის სროლით შეხვდა. მოქალაქეები სკანდირებდნენ – "მკვლელებო, მკვლელებო" და მათი მიმართულებით სხვადასხვა საგნებს ისროდნენ.

ესპანეთში ბოლო 50 წლის მანძილზე ყველაზე ძლიერი წყალდიდობა მოხდა. სტიქიის შედეგად დაღუპულთა რიცხვი 214-მდე გაიზარდა.