პოლიტიკური გაერთიანება კოალიცია ცვლილებისთვის 4 ნოემბერს გასამართი აქციის წინ, სოციალურ ქსელში, რამდენიმე პუნქტიან გეგმას აქვეყნებს:

  • არ შევდივართ პარლამენტში და იზოლაციაში ვტოვებთ რუსულ რეჟიმს
  • შევქმენით ინტერპარტიული კოალიცია, რომელიც მუშაობს პრეზიდენტთან ერთად
  • ხვალ [1 ნოემბერს], ჩვენს დასავლელ პარტნიორებს წარვუდგენთ მასშტაბური გაყალბების მტკიცებულებებს
  • ორშაბათს, აქციიდან, ქართველ ხალხთან ერთად ამ მტკიცებულებების საფუძველზე მოვითხოვთ საერთაშორისო გამოძიებას
  • ჩვენ ვიწყებთ ერთობლივ საპროტესტო მოძრაობას ახალი არჩევნების მოთხოვნით

შეგახსენებთ, დღეს, 31 ოქტომბერს 20:00 საათზე სამმა ოპოზიციურმა გაერთიანებამ ერთობლივი ბრიფინგი გამართა.

მათ ორშაბათს, 4 ნოემბერს რუსთაველის გამზირზე აქცია დააანონსეს და თქვეს, რომ წარმოადგენდნენ სამოქმედო გეგმას — 2024 წლის საპარლამენტო არჩევნების შედეგების დელეგიტიმაციის მისაღწევად.