Atlantic Council-ის მკვლევრების, სოფო გელავასა და ეთო ბუზიაშვილის შესახებ საქართველოს ფინანსთა სამინისტროს საგამოძიებო სამსახური განცხადებას ავრცელებს.

გამოძიების თქმით ე.წ. ქოლცენრების საქმესთან დაკავშირებით "კანონით დადგენილი წესით, შესაბამისი შუამდგომლობის საფუძველზე, სასამართლოს განჩინებით ყადაღა დაედო საქმეში ფიგურანტი კონკრეტული პირების საბანკო ანგარიშებს".

"დღეის მდგომარეობით გამოძიება გრძელდება და სამსახური საქმესთან დაკავშირებით პერიოდულად მიაწვდის საზოგადოებას ინფორმაციას გამოძიების მიმდინარეობისა და შედეგების შესახებ", - ნათქვამია განცხადებაში.

შეგახსენებთ, რომ 24 ოქტომბერს, ფინანსური პოლიცია სოფო გელავასა და ეთო ბუზიაშვილის სახლებში შევიდა და სასამართლოს განჩინებით ჩხრეკა ჩაატარა. მათი სახლებიდან პერსონალური კომპიუტერები და მობილური ტელეფონები წაიღეს.

ამასთან, გელავას სახლიდან მისი მეუღლის, ფედერალისტების ერთ-ერთი ლიდერის, გიორგი ნონიაშვილის ლეპტოპი და მათი არასრულწლოვანი შვილის ლეპტოპიც წაიღეს.