ცესკოს ბოლო მონაცემების მიხედვით, მმართველ პარტიას პარლამენტში 89 მანდატი ექნება, ოპოზიციას — 61.

ამ დროის მონაცემებით,

ქართული ოცნება ახალ პარლამენტში 89 დეპუტატს შეიყვანს,

კოალიცია ცვლილებისთვის — 18-ს,

ერთიანობა ნაციონალური მოძრაობა — 17-ს,

ძლიერი საქართველო — 14-ს,

გახარიას პარტია — 12 წევრს.

როგორც ინტერპრესნიუსი წერს, პოლიტიკური პარტიის მიერ მიღებული მანდატების რაოდენობის დასადგენად მის მიერ მიღებული ხმების რაოდენობა 150-ზე უნდა გამრავლდეს და ყველა იმ პოლიტიკური პარტიის მიერ მიღებული ხმების ჯამზე გაიყოს, რომლებმაც არჩევნებში ხმების 5% მიიღო. მიღებული რიცხვის მთელი ნაწილი არის პოლიტიკური პარტიის მიერ მიღებული მანდატების რაოდენობა.

იმ შემთხვევაში თუ პოლიტიკური პარტიების მიერ მიღებული მანდატების რაოდენობათა ჯამი 150-ზე ნაკლებია, გაუნაწილებელ მანდატებს თანამიმდევრობით უკეთესი შედეგის მქონე პოლიტიკური პარტიები იღებენ.