სისხლის სამართლის საერთაშორისო სასამართლოს (ICC) II წინასასამართლო პალატამ დაადასტურა, რომ მონღოლეთმა დაარღვია თავისი, როგორც რომის სტატუტის მონაწილე სახელმწიფოს ვალდებულებები იმით, რომ ვერ დააპატიმრა ვლადიმერ პუტინი ICC-ის ორდერით.

ამის შესახებ პალატის 24 ოქტომბრის გადაწყვეტილებაშია ნათქვამია.

დოკუმენტში აღნიშნულია, რომ პუტინის დაპატიმრებაზე უარის თქმის გამო, მონღოლეთმა ხელი შეუშალა ICC-ს თავისი ფუნქციებისა და უფლებამოსილების განხორციელებაში და სახელმწიფოს მეთაურის იმუნიტეტი დაპატიმრების ორდერის იგნორირებას არ იძლევა.

"მონღოლეთის სასამართლოსთან თანამშრომლობაზე უარის სერიოზულობის გათვალისწინებით, პალატამ საჭიროდ ჩათვალა საკითხის მონაწილე სახელმწიფოთა ასამბლეისთვის გადაცემა", — აღნიშნულია სასამართლოს გადაწყვეტილებაში.

მაქსიმალური სასჯელი, რომელსაც მონღოლეთი ემუქრება მონაწილე სახელმწიფოთა ასამბლეის გადაწყვეტილებით, პროცედურული შესაძლებლობების ჩამორთმევაა, მათ შორისა, ICC-ის ახალი მოსამართლეების წარდგენის უფლება. ამასთან, 2024 წელს, ისტორიაში პირველად, სასამართლოში აირჩიეს მონღოლეთის წარმომადგენელი, რომლის უფლებამოსილების ვადა ცხრა წელი გრძელდება.

პუტინის მონღოლეთში 3 სექტემბერს ჩავიდა. იყო მისი პირველი ვიზიტი რომის სტატუტის მონაწილე სახელმწიფოში მას შემდეგ, რაც სასამართლომ 2023 წლის მარტში, უკრაინელი ბავშვების გატაცებაში მონაწილეობისთვის, მისი დაპატიმრების ორდერი გამოსცა.

რუსული მედია ადრე წერდა, რომ მონღოლეთის ხელისუფლებამ სავარაუდოდ დაარწმუნა პუტინი, რომ მას არ დააპატიმრებდნენ. მონღოლეთში ამას რუსეთის ფედერაციაზე ენერგეტიკული დამოკიდებულებით ხსნიან. ამავდროულად, უკრაინამ დემარში გამოუცხადა მონღოლეთის საგარეო საქმეთა სამინისტროს წარმომადგენელს პუტინის დაპატიმრების ბრძანების შეუსრულებლობის გამო.