საქართველოს ეროვნული კალათბურთის ყველა ნაკრები — მათ შორის, ვაჟთა, ქალთა და ასაკობრივი გუნდები — საერთაშორისო მატჩებზე მაისურებზე წარწერა საქართველოს გამოიყენებენ, რითიც ინგლისური Georgia-ს ჩანაცვლდებ. ამის შესახებ საქართველოს კალათბურთის ფედერაციამ ოფიციალურად განაცხადა.

საქართველოს ბანკი საქართველოს კალათბურთის ეროვნული ნაკრების მთავარი სპონსორია

გადაწყვეტილება განსაკუთრებულად მნიშვნელოვანია, რადგან საქართველო გახდა ერთ-ერთი პირველი ქვეყანა, რომელსაც ფიბამ (საერთაშორისო კალათბურთის ფედერაცია) მშობლიურ ენაზე დაჩვენი უნიკალური დამწერლობით — ქართულად ოფიციალურ საერთაშორისო ტურნირებში ქვეყნის სახელის გამოყენების ნება დართო.

ფიბას მხრიდან ეს ნამდვილი მაგალითია საერთაშორისო დონეზე ენობრივი მრავალფეროვნებისადმი მზარდი ყურადღებისა და კულტურული იდენტობის პატივისცემის.

გადაწყვეტილება მიზნად ისახავს ეროვნული თვითმყოფადობის, ენისა და კულტურის პოპულარიზაციას და სპორტულ ასპარეზზე გაძლიერებას.

წარწერა საქართველო, არა მხოლოდ ფორმებზე გამოჩნდება, არამედ აისახება ბრენდინგში, სარეკლამო მასალებსა და ფედერაციის ციფრულ არხებზეც.

ახალი ფორმები და ვიზუალური იდენტობა პირველად ასაკობრივ და ქალთა ევროპის ჩემპიონატებზე იქნება გამოყენებული. აგვისტოში კი, ქვეყნის მთავარი ნაკრები, ევროპის მთავარ სცენაზე — ევრობასკეტზე სწორედ ამ ფორმით წარსდგება.

ერთად ვუგულშემატკივროთ საქართველოს კალათბურთის ეროვნულ ნაკრებებს