უკრაინის საგარეო საქმეთა მინისტრი, ანდრეი სიბიგა რუსული ძალების მიერ უკრაინის დედაქალაქ კიევზე დრონებით და ბალისტიკური რაკეტებით განხორციელებულ თავდასხმას საკუთარ სოციალურ ქსელში ეხმაურება. მისი თქმით, პუტინმა ეს ტრამპთან საუბრის შემდეგ გამიზნულად გააკეთა. ანდრეი სიბიგა მოსკოვისთვის მოსკოვისთვის ყველაზე მკაცრი სანქციების დაწესებას მოითხოვს.

"აბსოლუტურად საშინელი და უძილო ღამე კიევში. ერთ-ერთი ყველაზე მძიმე ამ დრომდე.

ასობით რუსული დრონი და ბალისტიკური რაკეტა დაესხა თავს უკრაინის დედაქალაქს.

სწორედ მას შემდეგ, რაც პუტინმა პრეზიდენტ ტრამპთან ისაუბრა. და ის ამას განგებ აკეთებს.

საკმარისია ლოდინი! პუტინი აშკარად აჩვენებს სრულ უგულებელყოფას შეერთებული შტატების და ყველა იმ ადამიანის მიმართ, ვინც ომის დასრულებისკენ მოუწოდებს.

მოსკოვს დაუყოვნებლივ უნდა დაეკისროს ყველაზე მკაცრი სანქციები. უკრაინას უნდა მიეცეს ყველა საჭირო საშუალება საკუთარი თავის დასაცავად.

არასწორი გადაწყვეტილებები მხოლოდ უბიძგებს აგრესორს გააძლიეროს ტერორი. ახლა მთელი მსოფლიოს კრიმინალური რეჟიმები ყურადღებით ადევნებენ თვალს პუტინის ქმედებებს და მათზე რეაქციებს. თუ მას ყველაფერი შერჩება, ყველა ძალიან ნათელ გზავნილს მიიღებს.

შეწყვიტეთ მშვიდობის ლოდინი. იმოქმედეთ, რათა მიაღწიოთ მას. მშვიდობა — ძალის მეშვეობით,"— დაწერა ანდრეი სიბიგამ.