გერმანიის საგარეო საქმეთა სამინისტრო რუსეთის მიერ კიევზე მიტანილ იერიშს სოციალურ ქსელში ეხმაურება. უწყების თქმით, პუტინისა და ტრამპის სატელეფონო საუბრის შემდეგ, მოსკოვის ასეთი ქმედება კიდევ ერთხელ ადასტურებს, რომ რუსეთი კვლავაც სასტიკ ძალადობას იყენებს.

"ბინების კედლებში გაჩენილი ხვრელები, ტერორი დრონებით და აფეთქებები მთელი ღამის განმავლობაში — მასიური შეტევა კიევზე, პირდაპირ პუტინისა და პრეზიდენტ ტრამპის საუბრის შემდეგ, კიდევ ერთხელ ამტკიცებს: რუსეთი კვლავაც სასტიკ ძალადობას იყენებს. უკრაინას სჭირდება მეტი და არა ნაკლები, თავდაცვისთვის," — წერია განცხადებაში.