"ოცნების" აქციაზე სამოქალაქო ფორმაში ჩაცმულმა "უსაფრთხოების თანამშრომლებმა" ბიჭს სასტიკად სცემეს — ინფორმაციას სოციალურ ქსელში მოქალაქე ქეთი ნიჟარაძე ავრცელებს.

"ახლა ვარ ისეთი გაცეცხლებული, ძლივს ვუყრი თავს აზრებს.
ამოვდიოდი სახლში, ლეონიძის ქუჩაზე. სამწუხაროდ, ქოცთა შეკრების გამოვლა მომიწია და საშინელ ფაქტს შევესწარი: ‼️თავისუფლების მოედნისა და ლეონიძის კვეთაზე ბიჭი სასტიკად სცემეს სამოქალაქო ტანსაცმელში გამოწყობილმა “უსაფრთხოების თანამშრომლებმა”.
ბიჭი შეათრიეს ჯებირების შიგნით.
ერთს ურტყამდა 10 კაცი, ეს არის ამათი ვაჟკაცობა!
ზუსტად გვერდით ვედექი ბიჭს, ავტეხე ამბავი, მაგრამ ვერ შევძელი მისი დახმარება, გარდა იმისა, რომ იმ მომენტში შეწყვიტეს ცემა. ცუდად მოგვმართაო, “განმიმარტა” ერთმა.

ეს არის თქვენი დემოკრატია, რაც სულ სამი დღე გასტანს, მალე დამთავრდებით-მეთქი და წამიერად ჩემკენაც გამოიწია ერთი, თუმცა, ისეთი სახე მქონდა, მალევე მოვიდა გონს.
სად გააქრეს ბიჭი, ვერ გავარკვიე.

დაიჭერდნენ? ბიჭი იყო უმოწყალოდ ნაცემი" — წერს ნიჟარაძე სოციალურ ქსელში.

თვითმხილველი ჩვენთან საუბარში ამბობს, რომ ემოციების გამო ფოტოს/ვიდეოს გადაღება ვერ შეძლო.

NEWS.On.ge მეტი დეტალის გაგებას ცდილობს. პასუხების მიღების შემთხვევაში მასალა განახლდება