რამდენიმე დღის წინ ინგლისელი მომღერალი და ცნობილი ბოიბენდის, One Direction-ის, ყოფილი წევრი ლიამ პეინი არგენტინის დედაქალაქ ბუენოს-აირესში გარდაიცვალა. ადგილობრივი მედიის ცნობით, 31 წლის პოპვარსკვლავი სასტუმროს მესამე სართულის ფანჯრიდან გადავარდა. ადგილზე გამოძახებული სასწრაფო დახმარების ექიმებს სასტუმროს შიდა ეზოში პეინი გარდაცვლილი დახვდათ.

ტოქსიკოლოგიის დასკვნაზე მომუშავე ანონიმური წყაროს ცნობით, აივნიდან გადმოვარდნისას ლიამ პეინს ორგანიზმში კრეკის კოკაინი და მეტამფეტამინი ჰქონდა. ამ ეტაპზე ნარკოტიკის რაოდენობის შესახებ ცნობილი არაა.

ABC News-ისა და TMZ-ს ცნობით, საუბარია ვარდისფერ კოკაინზეც, რომელიც რამდენიმე ნარკოტიკს — მეტამფეტამინს, კეტამინს და მდმა-ს შეიცავს. ავტოფსიამ პეინის სისტემაში ბენზოდიაზეპინის არსებობაც გამოკვეთა.

მომღერლის სასტუმროს ნომერში არგენტინულმა პოლიციამ დამსხვრეულ ნივთებსა და ავეჯზე ნარკოტიკი და ალკოჰოლი აღმოაჩინა, რამაც გააჩინა ის ეჭვები, რომ პეინი გარდაცვალების დროს ნარკოტიკის ზემოქმედების ქვეშ იმყოფებოდა. პროკურატურის განცხადებით, პეინი აივნიდან გადმოვარდნის მომენტში "ნახევრად ან სრულიად უგონო მდგომარეობაში იყო".

საბოლოო ტოქსიკოლოგიური დასკვნა საჯაროდ რამდენიმე კვირაში გამოქვეყნდება.

იხილეთ ასევე: