ამერიკის ყოფილი პრეზიდენტის რასიზმის წინააღმდეგ მიმართულმა პოსტმა ტვიტერის მომხმარებლებში პოპულარობა დაიმსახურა.

12 აგვისტოს, ვირჯინიის შტატის ქალაქ შარლოტსვილში რადიკალ მემარჯვენეთა და ანტიფაშისტთა დემონსტრაციები შეტაკებითა და მსხვერპლით დასრულდა.

ბარაკ ობამას პოსტმა არიანა გრანდეს სამძიმრის წერილსა და ელენ დეჯენერისის ოსკარზე გადაღებულ სელფს მოწონებების რაოდენობით გადაუსწრო.

"არავინ არ იბადება სხვა ადამიანის კანის ფერის, მისი წარსულის ან რელიგიის სიძულვილით" - წერს ობამა. პოსტს სურათიც აქვს დართული, სადაც აშშ-ს ყოფილი პრეზიდენტი სხვადასხვა რასის ბავშვებთან ერთადაა.

ობამას მესიჯი აშშ-ს ამდროინდელი პრეზიდენტის, დონალდ ტრამპის, სიტყვებისგან დიდად განსხვავდება. ტრამპმა არეულობის გამო ულტრა-ნაციონალისტების გარდა, მათი მოწინააღმდეგეებიც, გააკრიტიკა.