ნოდარ მელაძის შაბათმა გაავრცელა რაციის აუდიო ჩანაწერები, სადაც, სავარაუდოდ, მარტის აქციების დარბევისას შინაგან საქმეთა სამინისტროს მაღალჩინოსნების საუბარი ისმის. ტვ პირველის ინფორმაციით, აქციის მონაწილეების წინააღმდეგ, წყლის ჭავლთან ერთად, ქიმიურ მინარევს იყენებდნენ.

ტვ პირველის მიხედვით, რუსული კანონის წინააღმდეგ აქციების დაშლის ბრძანების გამცემები და შემსრულებლები იყვნენ: შინაგან საქმეთა მინისტრის მოადგილე იოსებ ჭელიძე ("მოზგი"), შსს-ს განსაკუთრებულ დავალებათა დეპარტამენტის დირექტორი ზვიად ხარაზიშვილი ("ხარება") და მისი მოადგილეები: მილერი ლაგაზაური, მირზა კეზევაძე და კახა ჭუმბურიძე.

ამას გარდა, ნოდარ მელაძის შაბათის მიხედვით, შინაგან საქმეთა მინისტრი ვახტანგ გომელაური კავშირზე იყო ორ პირთან — მოადგილე იოსებ ჭელიძესთან და სპეცრაზმის შეფ "ხარებასთან". აქციების დარბევას იოსებ ჭელიძე ხელმძღვანელობდა, რომელიც "ხარებას" აძლევდა დავალებებს, მათ შორის, სავარაუდოდ, წყლის ჭავლში ქიმიური ნივთიერების შერევის შესახებ.