რუსეთის ტყვეობიდან 95 უკრაინელი სამხედრო გათავისუფლდა, — ამის შესახებ ინფორმაციას უკრაინის პრეზიდენტი, ვოლოდიმირ ზელენსკი ავრცელებს სოციალურ ქსელ X-ზე.

"ჩვენი 95 მებრძოლი სახლში დაბრუნდა - ადამიანები, რომლებიც იცავდნენ მარიუპოლს, აზოვსტალს, დონეცკის, ლუგანსკის, ხარკოვის, კიევისა და ხერსონის რეგიონებს. ყოველ ჯერზე, როცა უკრაინა საკუთარ ხალხს რუსების ტყვეობიდან იხსნის, ჩვენ უფრო ვუახლოვდებით იმ დღეს, როცა რუსეთის ტყვეობაში მყოფი ყველა ადამიანი გათავისუფლდება.

მადლობას ვუხდი საძიებო და გამათავისუფლებელ გუნდს.

ჩვენ ყველაფერს ვაკეთებთ იმისთვის, რომ დავიხსნათ თითოეული ჩვენი ადამიანი, ვინც რუსებმა ტყვედ აიყვანეს. მადლობა ჯარისკცებს, რომლებიც ავსებენ გაცვლის ფონდს და ყველა პარტნიორს, ვინც გვეხმარება". — წერს ზელენსკი.