ევროკავშირის ლიდერები გეგმავენ, გააფრთხილონ საქართველო, რომ მისი მთავრობა ქვეყნის EU-სკენ გზას საფრთხეს უქმნის, — ამის შესახებ 17-18 ოქტომბერს ბრიუსელში დაგეგმილი ევროპული საბჭოს სამიტის დასკვნის პროექტშია საუბარი. ინფორმაციას Reuters ავრცელებს.

სააგენტოს ცნობით, დოკუმენტში აღნიშნულია, რომ "ევროკავშირი კიდევ ერთხელ ადასტურებს მზადყოფნას, რომ ევროპულ გზაზე ქართველ ხალხს მხარი დაუჭიროს, მაგრამ ასევე გამოხატავს სერიოზულ შეშფოთებას საქართველოს ხელისუფლების მიერ განხორციელებული ქმედებების გამო. ევროპული საბჭო აღნიშნავს, რომ მსგავსი ქმედებები საქართველოს ევროკავშირისკენ გზას საფრთხეს უქმნის და გაწევრიანების პროცესს დე ფაქტო აჩერებს".

Reuters წერს, რომ საქართველოს ევროკავშირის წევრობის კანდიდატის სტატუსი 2023 წლის დეკემბერში მიენიჭა და საზოგადოებრივი აზრის გამოკითხვები აჩვენებს, რომ ქართველები ბლოკში გაწევრიანების მომხრენი არიან. მაგრამ მმართველი პარტია ქართული ოცნების მზარდი რუსეთისადმი მეგობრული რიტორიკა, საკამათო კანონი, რომელიც მოითხოვს, რომ ჯგუფები, რომლებიც საზღვარგარეთიდან იღებენ დაფინანსებას „უცხო აგენტებად“ დარეგისტრირდნენ და ლგბტ უფლებების შემზღუდავი კანონი, ბრიუსელის შეშფოთებას იწვევს.