დღეს, 11 ოქტომბერს, უკრაინის პრეზიდენტი ვოლოდიმირ ზელენსკი ვატიკანში, რომის პაპ ფრანცისკეს შეხვდა და რუსებისგან უკრაინელი ტყვეების დახსნაში დახმარების თხოვნით მიმართა.

ზელენსკიმ ევროპის ტურნე რამდენიმე დღის წინ დაიწყო და ვიზიტებს მართავს, იმ მიზნით, რომ გააცნოს ევროპელ ლიდერებს მის მიერ შედგენილი "გამარჯვების" გეგმა. მან ტყვეების გაცვლის შესახებ კონფერენციაზე ვატიკანიც მიიწვია.

"ჩვენ რუსეთის მიერ დატყვევებული უკრაინელების უკან დასაბრუნებლად დახმარებისთვის იმედებს წმინდა საყდარზე ვამყარებთ", — თქვა ზელენსკიმ სოციალურ მედიაში, შეხვედრის დასრულების შემდეგ. მანვე დასძინა, რომ პაპთან საუბრის მთავარი თემა სწორედ ეს საკითხი იყო.

საუბრის ბოლოს ზელენსკიმ და პაპმა ფრანცისკემ საჩუქრები გაცვალეს — უკრაინის პრეზიდენტმა ბრინჯაოს ნამუშევარი წარწერით "მშვიდობა სუსტი ყვავილია" მიიღო, ხოლო პაპმა ზეთის საღებავებით შესრულებული ნახატი რომელზეც უკრაინის ქალაქ ბუჩას ნანგრევებთან მდგარი ბავშვია გამოსახული.