დღეს, გერმანიის საგარეო საქმეთა მინისტრმა, ანალენა ბერბოკმა რუსეთის პრეზიდენტი, ვლადიმირ პუტინი სლოვაკ კოლეგასთან შეხვედრისას გააკრიტიკა და განაცხადა, რომ მარ ომის დასრულებისა და მშვიდობის მიღწევის სურვილი არ გააჩნია.

"ის უარს ამბობს მშვიდობაზე და ყოველ დღე ომისა და განადგურების სასარგებლო გზავნილებს ავრცელებს. ეს პერიოდი, ის იმისთვისაც არ არის მზად, გერმანიის კანცლერს ტელეფონით გაესაუბროს" – თქვა ბერბოკმა.

გერმანიის საგარეო საქმეთა მინისტრმა დასძინა, რომ უკრაინა რუსეთისგან განსხვავებით მზდა არის "სამართლიანი მშვიდობისთვის" და უკრაინის პრეზიდენტი, ვოლოდიმირ ზელენსკი დღეს, 11 ოქტომბერს, გერმანიის კანცლერს ოლაფ შოლცს შეხვდება.

ზელენსკიმ რამდენიმე დღეა რაც ევროპული ტურნე დაიწყო, რომლის მიზანი პარტნიორებისთვის, მის მიერ შემუშავებული "გამარჯვების" გეგმის დეტალურად გაცნობაა.

თავდაპირველად ზელენსკი გერმანიაში, რამშტაინის შეხვედრაზე აპირებდა გეგმის წარდგენას, თუმცა, აშშ-ში ძლიერი ქარიშხლების გამო, ჯო ბაიდენს მოუწია, რომ გაეუქმებინა მასთან შეხვედრა.

ამასთან, ზელენსკი, ტურნეს ფარგლებში ბრიტანეთის პრემიერმინისტრ კირ სტარმერს და NATO-ს გენერალურ მდივან მარკ რუტეს ლონდონში შეხვდა.

იგი დღეს, 11 ოქტომბერს, პაპ ფრანცისკესაც ეწვია და მომდევნო ვიზიტი გერმანიაში აქვს დაგეგმილი.