მაქსონიის ფედერალური მიწის პროკურატურამ წინასწარი გამოძიება ადგილობრივი პარლამენტარის, დეპუტატ იორგ დორნაუს წინააღმდეგ დაიწყო. ის მემარჯვენე პოპულისტური პარტიის — ალტერნატივა გერმანიისთვის წევრია. ასევე ბელარუსში სოფლის მეურნეობის პროდუქციის მწარმოებელ კომპანიას ფლობს.

როგორც სააგენტო Dpa ავრცელებს ინფორმაციას, საქმე ეხება დორნაუს საკუთრებაში არსებულ ხახვის მინდვრებში სამუშაოდ პატიმრების შესაძლო გამოყენებას.

ამ ეტაპზე, გერმანელი დეპუტატი, სააგენტო Dpa-სთან და მაუწყებელ DW-სთან დასმულ შეკითხვებს პასუხი არ გასცა.

ინფორმაცია 2024 წლის სექტემბერში, ერთ-ერთი პატიმრის მონაყოლზე დაყრდნობით გაავრცელა ბელარუსის დამოუკიდებელმა გამოცემამ Reform.news-მა.

როგორც გამოცემა იუწყება, საწარმო, რომელიც რომელიც პატიმრების შრომას იყენებს, ბელარუსის გროდნოს ოლქის ლიდის რაიონში რეგისტრირებული "ციბულკა ბელია".

გერმანული გამოცემის Welt am Sonntag-ის ცნობით, საწარმოს თანამფლობელი ერთ-ერთი დეპუტატი — იორგ დორნაუა. ამ ფაქტის დამალვის გამო, საქსონიის ფედერალური მიწის პარლამენტმა ის 20 862 ევროთი დააჯარიმა.