ჩეჩნეთის მეთაურმა, რამზან კადიროვმა “რუსეთის საპატიო მშენებლის” მიენიჭა, ხოლო მშენებლობის, საბინაო და კომუნალური მომსახურების მინისტრისგან, ირეკ ფაიზულინისგან შესაბამისი სამკერდე ნიშანიც მიიღო.

კადიროვის დაჯილდოების ცერემონია გაიმართა გროზნოში, ახალი საცხოვრებელი კომპლექსის გახსნის დროს.

კადიროვს ჯილდო გადაეცა "პროფესიონალიზმის, შრომისმოყვარეობისა და პროფესიისადმი ერთგულებისთვის". ასევე, რუსეთის მშენებლობის მინისტრმა ირეკ ფაიზულინს კადიროვმა "ჩეჩნეთის რესპუბლიკის წინაშე დამსახურებისთვის" მედალი გადასცა — ინფორმაციას "კავკაზ.რეალი" ავრცელებს.

ჩეჩნეთის მეთაური, რამზან კადიროვი, აშშ-ის, ევროკავშირისა და სხვა რიგი ქვეყნების სანქციების სიაშია. იგი ფლობს რუსეთის გმირის წოდებას, მინიჭებული აქვს შინაგან საქმეთა სამინისტროს გენერალ-მაიორის სპეციალური წოდება და გენერალ-პოლკოვნიკის სამხედრო წოდებას. მას აქვს ასზე მეტი მედალი და ორდენები. კადიროვს აქვს საპატიო სტომატოლოგისა და აგრონომის წოდება.